الآن فتح باب التقديم للصف الأول الابتدائي ورياض الأطفال
التقديم للصف الاول الابتدائي ورياض الأطفال الكترونيا بداية من يوم 1 يونيو ومستمر ولمدة شهر حتى 30/6
التقديم يتم عن طريق ولي الأمر الطريقة سهلة ومعروفة والموضوع ده مش جديد بس لازم ننبه على كذا حاجة
عشان نحاول نتجنب المشاكل اللي بتحصل كل سنة
اولا ولي الأمر لو اول مره يقدم ومقدمش لحد من أولاده اليكترونيا قبل كده لازم ينشيء حساب لنفسه انشاء الحساب
وعلى فكره لينك انشاء الحساب شغال حاليا emis.gov.eg
ثانيا لازم الحساب يكون باسمه ويكتب بياناته الشخصية بكل دقة اسمه ورقمه القومي وتاريخ ميلاده ورقم الموبايل الخاص بيه والنقطة دي مهمة جدا لان عن طريق الرقم بنقدر نرجع كلمة سر الحساب لو نسيناها
في اخر الصفحة بيطلب من ولي الامر كلمة سر وكلمة السر دي ولي الأمر بيختارها بنفسه وتكون كلمة سهلة مميزة بالنسباله عشان مينسهاش بشرط متقلش عن ٨ حروف وأرقام ويكون فيها حرف كابيتال على الاقل
ثالثا والاهم لو ولي الأمر هيروح لسايبر لازم صاحب السايبر يكتب بيانات ورقم موبايل ولي الأمر مش بياناته هو ورجاء من أصحاب المكتبات والسيبرات كتابة كلمة السر في ورقه واعطائها لولي الأمر مع التنبيه عليه الاحتفاظ بيها .
رابط انشاء حساب للأب أو لولي الأمر والحصول على كلمة المرور 👇👇👇👇
http://parentreg.emis.gov.eg/newUser.aspx
رابط التقديم للصف الأول الابتدائي 👇👇
رابط التقديم للصف الاول رياض الاأطفال 👇👇